Муниципальное бюджетное общеобразовательное учреждение «Гудермесская Гимназия №3 им.Даны Дадаговой»

8 (928) 785-13-25
gimnazia.3@mail.ru
пн-сб 08:00-18:00
 
 
 
 
 

Новости

День чеченского языка

25.04.2018

Ненан Мотт
 
Доьзалехь бийцар а дастам а хеташ,
Хьуо винчу ненан мотт дIатесна ахь.
"Сов къен бу дешнашна,бац атта кхеташ"!
- Бохуш,и сийсазбан ца хета иэхь.
 
ЛадогIа цкъа соьга, "хьекъале корта",
ЛадогIа, яккхи дIа лергара потт:
Йистйоцу хIорд санна, бу хьуна шорта
Ша хууш волчунна вайн нохчийн мотт.
 
ГIиллакхе, оьзда бу доттагIче буьйцуш,
МостагIче вистхуьлуш -- ду ира герз,
Хьомечу езаре безам ахь буьйцуш,
Бека и,шех хуьлий хьан деган мерз!
 
Мерза бу, моз санна, ша безачунна,
Ламанан шовданал цIена бу и.
Лермонтовс, Толстойс а ладегIна цуьнга,
Услара даггара хестийна и.
 
БIешараш хийла а ихна и бекаш,
Хьацарлахь, къийсамехь кхиъна и бу.
Кхоьллинчу халкъана хьанала бецаш
Даиман ша хилла нохчийн мотт бу.
 
Вайн халкъан ойланаш, дахар а гIийла
Далхадеш, къийсамна гIиттина цо.
Нохчочун майралла, оьздалла хийла
Зевнечу иллешкахь екийна цо!
 
Кхидолчу къаьмнашна шайниш а санна,
Нохчашна шайн ненан мотт хьоме бу.
Нагахь хьо ца вагIахь хьайн халкъацанна,
Хаалахь, декъазниг,- хьо цхьалха ву!

 

Ш. Арсанукаев

 

 

Источник: http://ooshkatar.edu95.ru//index.php?component=frontpage&news_id=48403